【Viu】游學修、蘇子情、導演朱栢謙、美術指導張蚊，今日為主演舞台劇《試鏡》圍讀，阿修受訪透露同女主角子情有情慾戲，又搞笑話未知導演朱栢謙安排咩尺度俾佢？底線係除埋底褲？
阿修又沾沾屈居第二、只爭一票就成金馬影帝，佢話今次冇哭，亦替鍾雪瑩興奮。不過唔敢要求加片酬，有戲拍唔收錢都肯。
講到床哥同Edan、姜濤單是非，阿修形容「好佬怕爛佬，爛佬怕潑婦」，又表示有問候姜濤。而老友Dee@ERROR都喺Threads暗示有人「寒冬開抽濕機」，而阿修都「玩嘢」話已投票撐冇入圍叱咤我最喜愛的男歌手五強嘅Dee，佢解釋根本唔知阿Dee噏乜！
另外朱栢謙又話近期爆忙，仲未支持細佬朱栢康有份演出、票房已破億嘅《破．地獄》，但已約媽咪稍後去睇，仲開口幫細佬拉票撐上台攞金像獎最佳男配角。訪問內容保證豐富，快啲入嚟睇片啦！
