【Viu】懷孕5個月嘅索媽Louisa麥明詩又出動啦！呢晚佢以黑色露單肩窄身長裙、腳踏近5吋高踭鞋，靚靚現身時尚活動！盛太笑話套衫係問准老公盛勁為先着嘅，覺得副body依家都仲可以見得人，好開心！
Louisa透露12月生日月會同屋企人去峇里島旅行，同時亦當係babymoon，預告會着三點式影孕照留倩影！但佢笑話唔太想老公着得太sexy，原因竟然係驚老公走佬，咁搞笑？Louisa仲話遲啲會搞baby shower，不過就唔會公布性別啦，抵死笑指驚大家做唔好表情管理，同時想學媽咪咁，到生之前先知！咁唔知Louisa鍾意仔定女？點知佢再次受荷爾蒙影響，究竟Louisa有幾驚老公移情別戀？
諗名方面，Louisa就話唔需要跟族譜，搞笑話仔就叫「盛事」、女就叫「盛女」，真係好有創意喎！另外，Louisa笑指老公對人體有興趣，如果到時順產老公都會入產房剪臍帶嘅！
活動同場仲有甘比、「最靚星二代」Ayla沈月、謝玲玲同兩位千金林恬兒、林心兒等！即刻送上足本訪問聽吓索媽Louisa點喪放笑彈啦！
