【Viu】由黃修平執導、游學修、鍾雪瑩同聾人演員吳祉昊主演嘅電影《看我今天怎麼說》，今晚舉行首映禮，阿修同鍾雪雙雙入圍金馬影帝影后不特止，原來第一個將喜訊通知阿修嘅人，正正係鍾雪，佢仲自認收到消息後「哭咗」，兼且自覺幾威。雖然對得獎冇信心，但會準備定手語致謝詞多謝各位聾人朋友，又向第二次入圍金馬影后嘅鍾雪請教表情管理，估唔到女方只得一招，就係狂笑，係叻嘅！
講到「試當真」日前去台灣出席《走鐘獎》，蘇豪嘅港普「震驚」全場，阿修親自解畫，原來一切都係social策略，仲笑指豪哥嘅港普同另一老友「Dee哥」何啟華有得揮，有意撮合兩位「港普戰士」齊齊拍片，嘩，超期待喎！
此外，講到「試當真」有意將經典Game《小朋友齊打交》製作成真人版，阿修坦言已集齊9位「戰士」，omg！各位8、90後拉定筋等睇啦！
