【Viu】舞台劇《遺憾收藏館》今日尾場，眾人喺謝幕個moment大表不捨之情，Hillary劉沛蘅更係忍唔住爆喊！而導演之一嘅朱栢謙又大爆Cloud係帶病上陣演出，respect！
身兼主演、編劇嘅Elsie，表示仲未相信已經完成10場演出，希望有機會可以re-run！「愛妻號」Alfred為慰勞老婆Elsie完騷獻吻，甜到呢！釗峰聽到即刻話演完舞台劇有愛上咗「人夫」Alfred，搞到Elsie笑話有少少呷醋！
Cloud講番尾嗰幾場突然發燒唔舒服，直頭把聲都沙晒，一度好擔心演出！佢仲話今次最難嘅係quick change，再爆成日被「哥哥」釗峰嘅鼻涕「攻擊」！Elsie仲爆咗少爺占因而賜咗個新朵畀釗峰添！
Hillary、釗峰、Cloud異口同聲指編劇Elsie係唔想佢哋爆肚，點知Elsie自己就爆肚演出，全因難敵Hillary嘅美貌！舞台劇中Hillary同Eric梁嘉進展開一段不淪戀，排戲嗰陣成日被指太甜蜜，驚佢哋完劇會戲假情真，Elsie更篤爆Hillary嘅媽咪好鍾意Eric，點知Hillary以光速落閘令全場爆笑！究竟發生咗咩事？
另外，近日全城關注「明登」緋聞，唔知Hillary又點睇「膠弟」Edan@MIRROR力追林明禎呢？不過佢就趁機「投訴」Edan冇嚟捧佢場，咁大膽唔支持家姐？即刻去睇足本訪問片！
