【Viu】游學修、許賢、蘇致豪、贊師父今日出席《公開試當真》慈善首映，電影紀錄一位只靠「天才波」嘅DSE考生阿康點樣備戰公開試，許賢仲以自修生身份一齊報考，被阿修形容為福音電影，咁熱血，但負責改戲名嘅豪哥當初竟然諗到《制服誘惑》咁爆？
部戲仲有麥明詩受訪，再勁啲就係成功搵到張叔平幫手做剪接指導，許賢覺得成件事好夢幻，酬勞貴唔貴？阿修就話唔敢講，笑言：「話平同貴都好似唔尊重」。
對於票房成績，佢哋就話想有「2億」，唔使驚，講緊韓圜，但講明無論票房幾多都唔會派福利，點解咁決絕？早前試當真channel玩捉人，話捉到有得回水，有人估試當真要「收檔」？想知就要睇訪問三位主腦點解釋嘞。
今日仲有寶珮如、張紋嘉和男友、趙善恆等到場，而好耐冇見嘅張錦程，早前客串《那年盛夏我們綻放如花》僅2分半鐘，原來有段故，佢直言有戲癮，但開出條件都幾多，想知更多記得睇足本訪問。
