【viu】新城電台舉辦《新人大熱唱2023》今日舉行，近半百樂壇新人現身，場面勁熱鬧！「馬友」Marco@P1X3L、Sica、WinWin趁機re-u，其中Marco笑話身邊唔係兄弟Phoebus、George有少少寂寞，但見到Sica、WinWin即刻有「家」嘅感覺！
首唱快歌《Joy Boy》嘅Marco大叫興奮，Sica對唱《天氣之女》話好期待！不過WinWin因為近月先做完肺部手術，要休養就未能演出，佢話依家成日條氣都唔順，之後要好好鍛鍊番身體！對新人獎，唔知呢3位馬友有冇信心攞獎呢？另外，Sica醉酒樣喺《馬友旅遊部》盡現，WinWin、Marco又有咩comment？真係笑爆嘴呀！
「煨Sir」Jeffrey指今年出盡奶力出咗5首歌，但對攞新人獎，佢竟然有信心喺情人節考車一take pass多啲！原來Jeffrey近日同老友Tyson Yoshi一樣搬屋，仲搬埋喺附近添！係咪搵得多，就住大啲先？Jeffrey回應住大啲開心啲呀！
男團N9孖THAIMAY受訪，三人互嗌前輩超爆笑！一提起新人獎仲齊齊扮「Thai-謙（謙虛）」，游學修笑話今年打定輸數，望下年單飛再玩過，堅唔堅先？ERN9又諗定出泰文歌，泰妹就話想試做rapper添！講起「試當真」早前去完英國、又去加拿大，當中有咩趣事？游學修因咩事鬧爆豪哥？即睇片等佢親口話你哋聽啦！
