【Viu】靈異舞台劇《一樓一會》x《恐怖在線》現場版今日喺商場舉行記者會，「鬼王」潘紹聰率領一眾演員，包括Alton@MIRROR、嘉盈@FH Production、麥沛東、導演之一朱栢謙等現身！
Alton話唔太驚接拍靈異題材嘅作品，當開Halloween party咁；嘉盈就笑話有師傅睇話佢嘅八字，係連鬼都驚咗佢！呢次Alton喺舞台劇飾演嫖客，佢搞笑叫大家唔好畀個背景框住，爆金句：「做總統都唔洗做過總統嘅！」又笑話遲啲會去體驗「撳鐘仔」！而「鳳姐」嘉盈預告佢同Alton會有親密接觸，但就未必係開心，結局仲要令佢覺得驚訝！
同樣飾演嫖客嘅麥沛東，喺台上笑話要同Alton一齊赤裸上身，朱謙鬼馬叫麥東食多啲嘢，咁就同Alton有強烈嘅對比！至於Alton就笑話睇角色需要，同埋要再問監護人！嘉盈都話要睇狀態先睇吓會唔會性感上陣！
Alton最近孖Lokman去咗幾次旅行，莫非係Lokman嘅療傷之旅？阿Dee預告無悔三兄弟明年有搞作，係咪堅先？合資餐廳傳出頂手消息，實情又係點？
麥東、朱謙大讚Alton散發出嗰種怕醜內斂好吸引，對即晚圍讀勁期待！朱謙會唔會考慮客串番一角？另外，樂隊朱凌凌早前透露會出歌，成員之一嘅朱謙有冇再爆料？即刻睇足本訪問片！
