【Viu】張繼聰、Angus楊天宇、Macy馬思惠@VIVA、周家怡同余安安等今晚出席由袁劍偉執導嘅英皇電影《裡應外合》首映禮，阿聰大讚Angus後生可畏，全套戲幾乎冇衫著，好彩自己都唔嘢少，有操拳兼漂髮漂眉，仲自誇齋甩眉毛冇甩頭髮，證明自己可以繼續做頭髮產品代言人，又自爆事後去做霧眉仲要畀Kakaball笑！
講到Angus自爆「扯到行」上陣拍打戲，阿聰即還擊自己「扯到裂」，事關首日操拳已經令大腿後側肌肉撕裂，痛到叔叔不行了！
至於阿聰同阿Sa主演嘅賀歲片，被指硬闖徐天佑太太舖頭拍攝，阿聰就還原事發過程，估唔到第一日入組就搞出個大頭佛，加上自己同天佑熟稔，慘變磨心好尷尬，希望相關人士能夠溝通清楚咁話！
此外，首次擔正嘅Angus同Macy直認票房壓力大，Angus仲立Flag會公開絕密爆肌Close up相嚟做福利，大家記得支持喇！
