【viu】張敬軒、女團VIVA 、泳兒、TONICK 等今日喺澳門為戶外水上音樂節做表演嘉賓，軒公為找泳衣條數，真係好積極減磅操肌，今日見佢瘦咗好多，明顯已見成效。軒公話冇問Tyson攞節食餐單，因為對方係重量級，自己只係輕量級，有對方一半已心足。至於性感程度，就要視乎最終成果，預告8、9月就有得睇嘞。
軒公向來係「世界級撞樣王」，最近被發現與同一位內衣女模激似度達90%，對方被網民戲稱係「張敬妹」，軒公苦笑話：「好慘同我撞樣！」想知軒公最近咁fit ，會唔會趁機會接內衣廣告？仲有佢代言嘅飲用水，有內地fans狂掃20支遭海關截查，原來軒公自己都有儲返唔同size紀念一下。
至於女團VIVA首次出騷就獻出好多第一次，難怪緊張又興奮。佢哋早前同軒公合作拍廣告，教對方新歌招牌手勢，發現軒公領悟力原來好高。而VIVA暫時冇打算選隊長，但訪問中多數由VALC發言，佢話自己係「聯絡擔當」，想知其他成員有咩專長，記得睇足本訪問片。
