【Viu】Cindy歐倩怡今日為健康節目活動任嘉賓，早前佢接受網上節目談前夫郭晉安惹來負評，佢話冇諗過咁大迴響，自己有近廿年冇活躍娛樂圈，下次講嘢會小心啲。提到大病時，前夫疑見死不救，Cindy更正「嗰個唔係痰罐」，自己有自己語言，但過咗去唔想再提。
事實上，Cindy喺06年結婚後已淡出娛樂圈，專心相夫教子，佢直認而家同社會脫節，好慚愧社會經驗比較少。Cindy多年來冇收入，冇儲到第一桶金置業，透露分開後要自己處理各方面問題都有慌張，例如第一次租屋，要不斷去問家人同朋友。佢更坦白直認「等錢洗」，要返回現實學識點搵錢，希望做同營養學相關工作。
至於兩個小朋友，而家跟爸爸住，Cindy約每一、兩星期見仔女一次，中秋節會約囡囡食飯。佢仲讚16歲大仔理財好叻，遲啲會去英國讀書，至於現在同郭晉安關係，有冇諗過有第二春？想知更多記得睇足本訪問。
