【Viu】Edan@MIRROR日前man爆認追「大馬女神」林明禎一事轟動娛樂圈，兼令各大社交平台大洗版！事隔多日，Pink lady look嘅明禎BB今晚首度現身回應！一開始明禎BB講到早前因身體不適而暫休一事，問到Edan有冇關心？明禎BB冧答話有，仲首透露佢同Edan嘅相識經過添！
講到Edan出post話對佢有好感同正展開追求，明禎BB話對方事前有先知會佢一聲，對造成困擾感到抱歉！明禎BB大讚兒登呢個舉動，覺得對方好有風度同gentleman！咁明禎BB又感唔感受到兒登嘅追求攻勢？包唔包括飛外國撐枱腳？明禎BB全程受訪都keep住傻笑，又不停以撒嬌「反擊」：「不是要手下留情嗎？」、「放過我吧！」
當問到Edan係咪符合佢嘅擇偶條件嗰陣，明禎BB話最緊要係睇相處，自己喺感情上係比較保守，所以就順其自然！同Edan夾唔夾？明禎BB就笑話Edan係個好可愛嘅男孩子，暫時雙方只係朋友關係啫！唔知明禎BB嘅屋企人有冇留意到報道？覺得Edan如何？明禎BB覺得兒登出post係加分行為？想知就即刻去睇足本訪問！
