【Viu】Alex林德信同kayan9896喺Viu Original本地原創劇《同居少女諸事卜》中有連場談情戲，今次先送少少甜頭畀大家率先睇，劇情講述kayan9896主動挑逗啱啱洗完面嘅Alex，意態撩人，難怪Alex都話同kayan9896有初戀Feel呀！
呢Pair型男索女雖然首次合作，但互笠高帽是必須的，kayan9896第一反應就係讚Alex好靚仔；Alex亦讚kayan好靚兼唱歌有Feel，希望下次可以喺音樂上合作，甚至合拍歌舞劇咁話，有得諗喎！
入返正題先，講到喺劇中不乏談情戲，兩位又有冇同另一半備案呢？估唔到答案係完美呈現「已婚vs拍拖」嘅大不同心態呀！
