【viu】吳慷仁、柯煒林（Will）、劉主平同梁湘華今日出席新片《破浪男女》首映，除咗大玩片中Gimmick SM同繩縛外，4位仲即席打羽毛球，將港台嘅「約炮」文化共冶一爐，笑爆全場！
Will坦言所有曳嘢都係自己教慷仁哥，所以對方明白何謂「打羽毛球」，慷仁哥笑言希望有人約自己打；劉主平同梁湘華就開心Share台灣人點約人「打羽毛球」，原來要借貓貓過橋㗎！
講到片中慷仁哥要含劉主平腳趾，仲有正面全裸戲份，台灣網友目測有「17cm大鵰」，慷仁哥直言冇因此獲「打羽毛球」邀約，又大讚主平啲腳趾好乾淨，最希望大家唔好以色情角度去睇裸露戲，仲話十幾年前拍文藝片都有類似戲份，唔使大驚小怪！
Will又話導演為咗保護演員，Full Version只會喺戲院上映，避免喺串流平台上被Cap圖廣傳。Will仲封《破浪男女》係「情緒羽毛球」嘅作品，4位演員喺片中「全力扣殺」，希望大家入場支持！
