【Viu】Alfred許廷鏗將於12月24至26號喺竹翠公園舉行首個戶外演唱會，為咗炒熱氣份，佢預告有一Part會連續唱跳十幾分鐘，仲專誠搵咗KC同Win Win排舞，大讚佢哋用「愛的教育」，鼓勵自己跳得更好，令佢打破N年前許下「唔再跳舞」的承諾，仲開始享受跳舞添喎！
至於盛傳神隱數月嘅好友Joyce鄭欣宜會做嘉賓，Alfred就話一切都係未知，尚未示意，只要欣宜嚟睇騷都心滿意足喇！佢又話一度同欣宜失聯，但從冇擔心係友誼嘅小船「翻船」，因為彼此有足夠信任，仲分享當年Joyce點樣拯救佢脫離情緒嘅深淵，好有愛呀！向來喜歡美食嘅Alfred，今次開騷破天荒搞埋聖誕巿集，親自物色餐廳同小店參加，仲將自己嘅私密食譜同其中一間餐廳Crossover，又話必定會去監場，各位Fans求偶遇知碇啦？
