【Viu】Alfred許廷鏗、Gin Lee李幸倪、細貓應智越、Vincy泳兒、鄧小巧、陳柏宇等今日現身《新城勁爆頒獎禮2023》記者會。瘦咗靚仔咗嘅Alfred宣布聖誕節喺西九開戶外騷，所以要努力減肥。
Alfred仲預告party由下午開始，有免費酒飲同嘢食，小編表示高興，佢話都驚自己醉住上台喎！咁有冇請閉關中嘅欣宜（Joyce）嚟睇騷？Alfred話俾啲時間佢調整，希望Joyce可快啲出返嚟咁話！
而英皇3傻Gin Lee、Vincy同小巧一見面就鬥癲，講到年尾頒獎禮嘅戰衣，食極唔肥兼零運動嘅Vincy即變公敵。Gin Lee就被推舉年尾攞女歌手獎，啱啱簽英皇嘅小巧就話重拾打拼感覺。
3女仲同公司自薦開戲畀佢哋，Vincy同小巧舉手想做變態壞女人，Gin Lee就話要做女超人拉佢哋，笑Cry！想繼續笑？入嚟睇足本訪問片啦！
