【Viu】藍奕邦最近推出新歌《情定唐人街》真係「娘味濃」，曲風係罕有嘅小調，MV入面阿邦仲著住套綠色西裝同喇叭褲嚟跳老舞，真係估佢唔到啊！不過「娘到盡頭便是型」，佢同新歌監製Shelf-Index好滿意今次作品出嚟嘅效果，仲話今次成個班底係合力「認真做X事」啊！
講到經常有網民戥佢唔抵，話樂壇欠佢一個交代，阿邦多謝大家留言之餘，都好慶幸香港歌迷給予佢最大嘅認同！而被問到最想同邊位歌手合作，阿邦就話想幫MC寫歌，又大讚Jeremy@MIRROR同Jeffrey喺叱咤頒獎禮嘅演出！想知阿邦讚佢哋啲咩？仲有邊啲歌手係佢好欣賞嘅？咁就要即刻睇片啦！
