【Viu】「Dee哥」何啟華、「Dee姐」陳海寧同《全民造星V》嘅「Dee哥2.0」Aaron梁浩朗，今日首度「一家團聚」吸金，連同Dee哥嘅「寵物」游學修，真係樂也融融㗎！最搞笑係Aaron父母專誠嚟影「全家福」，仲話喺後台認錯Dee哥做仔，世伯伯母都好Funny呀！
對於被Aaron父母認錯，Dee哥爆笑嗌誇張，又著「細佬」同自己交換門匙，方便上「兄弟」屋企食飯，但就唔睇好「細佬」贏《造星V》喇！Aaron就想同「阿哥家姐」合作拍旅遊節目，取名《3條Dee》，有諗頭喎！笑問Dee姐若然Aaron追佢點算好？佢就決絕說不，事關太有亂倫Feel喇！
此外，「寵物」游學修都覺得Aaron勁似Dee哥，但靚仔過後生時嘅Dee哥，好Mean呀！
