【Viu】望穿秋水，超人氣BL泰劇組合BKPP終於嚟到香港舉行Fans Meeting喇，大批Fans盛裝打扮捧場，連埋一系列應援物，迫爆九展Star Hall門外呀！
首次嚟香港開騷嘅BK同PP以〈Very Special〉揭開序幕，期間不時冧爆互望，Sweet到爆呀！一場嚟到，BKPP都有用廣東話同Fans打招呼，仲話最想去主題樂園玩，各位Fans隨時有機會「野生捕獲」㗎！BK話之前嚟過香港，仲有香港親戚添，台下隨即尖叫聲四起，Fans們個個都爭住認親認戚呀！
開心Share一輪後，BKPP玩遊戲考驗了解程度，第一題就係問邊位最大頭蝦，經常仆親，雖然Fans大嗌PP，但有片有真相，「仆街達人」竟然係BK，佢解釋話仆親係人之常情，但就被PP踢爆單係今日已仆咗4次，笑Cry呀！
