【Viu】 再有開騷好消息！MC張天賦同樂隊Dear Jane孖住上喺8月開亞博騷呀！今日佢哋現身記者宣布加玩吓遊戲冧fans，事後受訪表示呢次合作好開心，有時間嘅話都希望整首合唱歌。 三度為《全民造星》擔任評判嘅Tim，大讚今季學員好多都識玩樂器好犀利，特別睇好海外馬來西亞嘅學員！講到佢指打鼓嘅Jason Loi同宇軒唱歌好聽過鼓手兄弟Nice，Tim抵死笑話以為會剪走，Nice則揚言開音樂會唱歌，好波呀！MC被問到對busking好友天宇被指不忿滅燈寸爆，MC話仍欣賞對方唱歌，但希望天宇好好自我檢討、反省，被foul已令佢受惡果。
