【Viu】 台灣男團五堅情今日舉行簽唱會，宣傳7月22號嘅澳門演唱會，陳零九、邱鋒澤、黃偉晉、賴晏駒同婁峻碩唔單止大晒廣東話，仲唱出《LALALA》，同堅果們嚟個大合唱，氣氛真係超high啊！五子預告澳門開騷，因為最近天氣咁熱，到時布料可能都會越著越少！噚日520突然post「祼照」嘅小賴仲講笑話自己好樂意除衫添！ 另外零九同Edan嘅合唱歌就嚟推出，對於網民幫佢哋諗嘅組合名，零九都表示欣賞，但就唔多夠膽公開講！問到佢哋嚟緊最想同邊位港星合作，小賴就大讚Edan靚仔，仲話想同佢拍BL劇添，而鋒澤就希望五堅情可以同MIRROR合作嘞。
