【Viu】李克勤一連七場的《presents 弦續李克勤・港樂演唱會》噚晚喺紅館演出尾場。嚟睇騷嘅嘉賓包括張敬軒、黎姿、霍汶希、狄波拉、陳慧嫻、太太盧淑儀同兩位囝囝Ryan及Rex。克勤更邀得好友劉德華擔任壓軸嘉賓，二人合唱《如果有一天》、《我恨我痴心》。克勤表示過去每次演唱會綵排，都會先讓華仔過目才安心演出，華仔就笑言：「今次我唔敢，交響樂我唔敢。我頭先一直都驚，上一次最後都係唱呢隻歌，行咗一個圈就下次再見，所以我真係有一個驚慌嘅心去唱呢隻歌。」華仔講梗嘅係2018年佢喺演唱會中途失聲，唱完《如果有一天》就被逼腰斬，至今未再在港開個唱。想知更多就入嚟睇現場實況片啦！
