【Viu】台灣男團五堅情出年3月會喺九展開首個香港演唱會，開騷之前5子亦特登嚟香港搞簽唱會，率先見下香港嘅「堅果」，鋒澤仲把握機會同網友Edan見面，大讚佢比想像中高，好加分！峻碩就自爆身材唔夠巴打Tyson Yoshi勁，一見對方對麒麟臂，本身除咗件衛衣得件小背心嘅佢都即刻著返衫，唔敢獻醜喎！咁搞笑得唔得㗎？5子仲講到曾經同姜濤online玩狼人殺，大讚姜濤勁可愛同有禮貌，亦她希望出年開騷可以到對方面對面玩遊戲同傾偈添！
而被問到鍾意邊位香港邊位歌手，當零九答完之後，即刻被成員起哄叫佢模仿，之後就變成全員模仿大會，想知大家扮得似唔似？又有幾好笑？即刻睇片啦！
