【Viu】七師傅同手機殼公司聯乘推出一共4款「師傅愛你」phone case，cfu搞笑話好彩冇用真人樣，因為卡通樣仲靚！笑問會送老公邊款case？cfu即「投訴」mode話老公其實唔知佢做緊咩，就連出街見到啲代言廣告都認唔出自己！話雖如此，但cfu話冇嬲老公，因為佢笑嘲自己化妝前後係兩個樣，唔認得都真係唔出奇！
講到cfu最近「處女下海」玩帶貨，cfu再出招笑自己唔係「處女」，仲話嗰日大賺7、8位數字！之後提起193早前去英國拍靈異節目被女妖纏身求救無援，cfu話事後用宇宙話幫193搞掂，但又話193高大靚仔，係易啲被女妖吸精氣神！雖然幫193踢走女妖，不過cfu話仲有一半污糟嘢，193睇完個訪問即刻搵cfu打救啦！
