【Viu】七師傅、Brian陳安立同未婚妻林希靈，近日為米線店嘅慈善NFT做宣傳。七師傅同四大美女姐姐搞咗一場好特別嘅生日會，不過七師傅話一切都係誤會呀！有超高人氣嘅佢早排收到好多生日禮物，不過師傅就澄清網上顯示嘅生日日期係錯誤嘅，佢嘅年紀都冇咁大咁話。七師傅8月將會舉行《師傅七都識唱笑會》，到時又唱又跳又有棟篤笑，咁唔知師傅會唔會請佢下世老公張敬軒做嘉賓呢？師傅反問：「你們說我有沒有打電話給前世老公？」又話有咩事都應該俾老公知，否則就唔夠真誠呀。
至於Brian今年12月就同希靈拉埋天窗喇，今次佢哋順勢預演婚禮。希靈自嘲身材唔係太好，平時冇咩負荷，不過試著中式裙褂嘅佢硬係覺得差咁啲嘢，仲要求Brian送返啲豬，等佢試吓人生第一個負荷。
