【Viu】何超瓊、何超儀、七仙羽、向太陳嵐同「Ball后」薛芷倫等，噚日出席珠寶活動，七師傅話好少買珠寶，多數係朋友或者客戶送，又笑言客戶送嘅比男友Gerald送嘅貴重，所以今日帶佢嚟埋單。七師傅又回應《瘋火與膠七》嘅負評，希望網友作少啲口業，最緊要唔好影響火火嘅生計，但又搞笑話火火勸唔聽，唔會釋懷，由得佢「自生自滅」！
七師傅又大方預言疫情走向，講明7月前仲大鑊，大家有排戴口罩。但係一講到MIRROR演唱會，師傅就笑得繽紛喇，佢預計自己最少有兩張飛，最想同「下世老公」張敬軒一齊睇，仲自爆發夢見到軒公同姜濤，嘩，你曳曳喇！
此外，向太承認阿仔向佐同新抱郭碧婷再度造人成功，湊夠一個「好」字，恭喜恭喜！
