【Viu】COLLAR今晚派出Winka同Marf出席西九音樂節，同獨立音樂人iii crossover。雖然全晚落雨，但無損3女嘅熱誠，台上chit chat時，Marf笑言：「我知咁講好衰，見大家著雨褸，然後啲櫈濕咗，逼佢哋企起身。」Winka就話唔夠喉，「表演嘅體感只有20分鐘，但其實我哋唱咗40分鐘。」
3女又喺台上邊嘆紅酒邊唱歌，Winka仲將杯酒一飲而盡，飲完大嗌：「嘩我以為提子汁，原來真係紅酒嚟㗎！」之後Winka同Marf都有唱其他歌譬如Sammi嘅《煞科》、方大同嘅《愛愛愛》等，氣氛勁正。再講到Marf同Winka台上分別solo自己新歌《*～Silencio…Shh》同《一手造成》，而Winka唱歌特別投入，唔通諗起舊戀情？想知Winka點答？快啲睇足本訪問啦！
