【Viu】最近有關COLLAR嘅好消息真係一浪接一浪！除咗佢哋嘅團綜《我哋係COLLAR》會喺下星期一首播之外，前晚仲威到上紅館，為前輩軒公嘅演唱會做表演嘉賓！話晒都係第一次上咁大嘅舞台演出，總有進步空間嘅，面對網上嘅負面聲音佢哋都有反思。噚晚Winka同芯駖前後腳開Live分享佢哋嘅感受，Winka都承認紅館演出有不足嘅地方，事後大家都有檢討，希望下一次會做得更好啦！不過芯駖都想讚一讚一班隊友 ，第一次上紅館就已經識得執生，而且將所有跳舞台位都記得超熟，抵讚啊！
Winka認紅館演出不足願接受負評 芯駖讚COLLAR成員臨場反應好
Winka認紅館演出不足願接受負評 芯駖讚COLLAR成員臨場反應好
