【Viu】楊偉倫同毛舜筠喺新戲《死屍死時四十四》入面飾演一對母子，阿倫自爆今次合作，第一次同毛姐見面時覺得對方好靚，搞到毛姐都忍唔住笑，話好少人第一次見到佢會覺得佢好靚！而毛姐就話會認識阿倫呢位演員，係因為電影監製Amy錢小蕙，當時佢仲被Amy邀請去睇阿倫嘅舞台劇，睇完演出之後，毛姐都覺得阿倫嘅演技好好，而且喺台上節奏非常好添！
今次新戲有別一般喜劇，以黑色幽默道盡港人心聲，所以毛姐同阿倫都提大家，唔好以睇笑片嘅心態入場，反而每場戲都需要嗒真背後想表達嘅訊息！毛姐仲分享自己曾經遇過奇怪鄰居，對方屋企經常傳出陣陣臭味！至於有幾臭？就要聽下毛姐點講啦！
