【Viu】Jan林海峰、蘇玉華、楊偉倫、鍾雪瑩同梁雍婷等，今晚出席新片《正義迴廊》首映，Jan仲化身「人肉廣告牌」宣傳新片，好鬼馬！佢話口碑有信心，反而擔心大家買唔到飛多過票房失利，又笑言如果大賣的話，會親自操刀幫蘇玉華影泳衣相派福利，期待喎！講到Jan早排帶埋老婆彭羚去倫敦跑馬拉松，佢笑言自己都想帶其他女人去㗎，但就避談商台同事Donald離婚一事。
此外，首次擔正嘅阿倫，坦言有票房壓力，仲因為角色沉重而影響胃口。飾演陪審員嘅鍾雪瑩，就話冇畀血腥畫面嚇親，有機會都想演殺人犯咁話！
林海峰自爆有泳衣相可待謝票時用 拉埋蘇玉華落水：「我幫你影定先!」
林海峰自爆有泳衣相可待謝票時用 拉埋蘇玉華落水：「我幫你影定先!」
