【Viu】台灣男團五堅情，成員陳零九、邱鋒澤、黃偉晉、「小賴」賴晏駒同婁峻碩旋風式來港舉辦簽唱會，過千名「堅果」塞爆商場，場面勁墟冚！五子以糖果粉系西裝chok爆現身，勁識做用廣東話自己介紹，又同「堅果」大合唱《All Day》、《Be a Liar》，簡直係魅力沒法擋！
受訪嗰陣佢哋話見到「堅果」咁熱情好感動，令佢哋更期待明年3月嘅九展騷，鋒澤仲話會爭取加場添呀！笑問佢哋會唔會騷肌？鋒澤即刻推薦兄弟偉晉，而當事人抵死笑話如果得到一樣嘢就會除衫！至於小賴就豪言或者會打開下半身，尺度真係好大呀！
難得嚟香港，鋒澤即刻有同「網友」Edan會面，仲話好期待聽日嘅首次同台合唱；峻碩就有搵好友Tyson Yoshi，笑話被對方帶返屋企dating，兼聽咗Tyson Yoshi新專輯嘅歌添！
