【Viu】Jer柳應廷於2023年重新出發，首支Solo作品 《從零開始的新世界》跳出過去框框，首度參與作曲部分，MV仲首次獨挑大樑，成為跳唱擔當啊！Jer今次搵嚟曾幫佢創作《MM7》嘅樂隊The Hertz主音Herman一齊，以極速一小時完成旋律創作，而歌詞方面，就同Oscar首次合作，共同譜寫出以和諧大世界作主題的作品，希望可以帶到正面、正能量俾歌迷。
為咗呈現歌曲大世界、慶典嘅感覺，MV場景都打造成 Jer夢想中嘅Wonderland，另外仲有Dancer同小朋友參與嘅大型歌舞場面，雖然同小朋友合作唔容易，但Jer話冇想像中咁困難，仲讚大家都好聽話添！對於今次成為MV跳唱擔當，Jer就講笑話隱藏多年嘅舞功終於用得著，仲要成為今年嘅跳唱男新人添！
另外，相信心水清嘅柳柳粉一定記得Jer第一首Solo歌《水刑物語》係喺2020 年2月28日推出，今次再次選擇同月同日推出新歌，對Jer嚟講都別具意義，佢表示三年後嘅今日再由另一個起點出發，呢首歌係一個好好嘅開始！
