【Viu】Alice劉雅麗同媽媽包曉華將會喺3月22日，母女檔喺文化中心舉行一場《我和媽媽有個約會》呢個演唱會真係說來話長呀！其實喺2021年8月已經舉行過一次，但因為疫情關係當時只演一場，之後本來準備喺上年3月再encore，喺文化中心同沙田大會堂各唱一場點知疫情比之前更嚴峻，演唱會被迫延期，直到早前先落實可以再搞呀！
不過幾經波折都好，Alice都希望可以幫媽媽完成心願，趁住佢今年75歲都咁好狀態，把聲keep住咁靚，兩母女一於拍着一齊上！而且因為經歷呢幾年疫情，Alice明白要更加珍惜眼前人，唔單止同媽媽嘅關係變得更加親密，亦學會互相包容！希望佢哋三月嘅演唱會一切順利啦！
