【Viu】師兄劉浩龍今日宣布成立個人工作室「生意兄龍」，同時亦係派新歌《沒人坐的梳化》大日子。Shirley陳欣妍、陳慧敏都有現身撐場，而Shirley仲係師兄新歌嘅MV女角，師兄自爆搵Shirley嘅原因係睇中佢夠fit，每日都做運動但又唔會禁食。問師兄點解唔自肥安排同Shirley喺MV有親密戲？佢話原本導演都想佢哋甜蜜啲，但師兄覺得喺屋企嘅場境都表達到兩人嘅sweet，所以無必要加插更多。
而Shirley亦希望同師兄有更多合作機會喎！講到男友沈震軒嘅求婚計劃有冇進行？Shirley爆話本來發生喺情人節，最後都失敗咗！不過佢話唔想俾太大壓力男友，順其自然就好，果然有好老婆特質！
