【Viu】Anson Lo盧瀚霆相隔9個月，今日推出跳唱新作《MONEY》， 佢希望藉住呢首歌道出金錢唔係萬能嘅道理，「相信每個人都有自己想要捉緊嘅回憶、好珍貴嘅嘢，例如：親人、寵物、情侶送俾自己嘅禮物⋯⋯有好多嘢唔係淨係金錢先可以做到。」
阿撈今次喺MV入面扮演貪錢嘅銀行家，佢大玩百變造型，務求為神徒帶來驚喜與新鮮感。而咁多個造型都各有特色，其中銀行大佬Look亦係阿撈嘅新嘗試，「入行以嚟未試過喺表演上全額露俾大家睇，之前承諾終有一日會咁做，終於揀咗今次嚟試！加上想同上年跳唱歌有啲唔同，所以就加咗雀斑妝同埋髮型都誇張啲。」另外仲有個賊仔Look，同埋紅色官仔骨骨嘅造型，不過數到最鍾意嘅造型，阿撈首選藍色喱士花嗰套，皆因件衫有勁多Details，睇得出服裝團隊花咗好多心思同功夫。唔知神徒們又最喜歡教主邊個造型呢？
