【Viu】 COLLAR喺成軍一周年嘅大日子，推出新歌《The Bright Side》，首歌表達佢哋內在嘅感受，雖然喺追夢嘅途中可能遇到高低起伏，但最後總會搵到出路。今次首歌唔止cheer up到COLLAR，仲令佢哋更團結，雖然訪問呢日，蘇晴因為唔舒服嚟唔到，但隊友們依然一條心，佢哋仲分享咗一次喺Marf屋企開暴食會嘅趣事添！COLLAR早排齊人踏上叱咤舞台，第一次現場唱《OFF/ON》持咪版本，嗰股氣勢真係唔惹少。COLLAR之間咁sweet，領粉們都勁有愛，周不時留言鼓勵佢哋，原來阿Day都有Mon住啲post㗎。COLLAR又透露嚟緊有唔同嘅工作，例如Day同Candy將會出埠拍團綜；最近忙住拍新劇《冰上火花》嘅阿Gao，開始有鋪拍劇癮，之後佢仲想挑戰古裝劇添！
