【Viu】《2022年度叱咤樂壇流行榜頒獎典禮》噚晚隆重舉行，MIRROR橫掃8獎威到盡，仲包辦「我最喜愛的男歌手」、「我最喜愛的歌曲」同「我最喜愛的組合」3大獎，加上Jeremy憑生力軍金獎升呢「金Jer 2.0」！
至於腳傷後首次現身嘅姜濤，唱《鏡中鏡》時High爆跪地，佢就話事後先識痛呀，希望醫生唔好睇電視就唔會嬲，連Stanley都話香港已經冇人控制到姜濤喇！AL就話因為舊年中過伏，所以今年宣布佢拎「我最喜愛的男歌手」時，再三求證先敢上台。Ian圓夢得到「唱作人獎」，絕對係實至名歸！
此外，COLLAR齊人復工，Day因病缺席訪問；芯駖感動爆喊。So Ching就感謝阿Mo同Fans支持。
