【Viu】 初七人日，有Strayz同大家拜年！佢哋仲玩小遊戲，用賀年零食層層疊咁砌出生日蛋糕，同大家賀生日！個遊戲聽落就似乎老少咸宜，但暐翹居然玩到話要退團，叫Strayz解散！想知點解？一定要睇片啦！
另外，Strayz仲回顧返去年嘅難忘事，當然係喺《叱咤樂壇流行榜頒獎典禮2022》度，拎到生力軍組合銅獎呢件事啦！Nat亦因為頒獎禮成功同Edan集郵，真令人葡萄啊！Nat仲爆料Ariel開心到忍唔住舐個獎，CK都聽到都即刻懷疑人生，暐翹就話想幫Ariel籌錢醫病，希望佢早日康復！真係笑爆嘴啊！講返正經嘢啦，Strayz預告唔單止團歌好快就會誕生，成員仲會陸續推出solo添啊！
