【Viu】「折骨Ben」趙祥誠、女團Strayz其中4名成員Val、CK、Nat同暐翹今日一齊出席活動，身為「造星」師兄嘅Ben即席大騷折骨「舞」功，睇到現場所有人嘩嘩聲！Ben笑話好耐都冇喺公開場合跳舞，所以都有啲緊張。講到Strayz心心眼話想同佢crossover，Ben即刻say yes，仲話一直都有留意師妹演出。而最近Ben都終於推出首支派台歌《粉身碎骨》喇！佢話最難忘係拍MV嗰陣要拍打鬥場面兼吊威吔，因為原來佢係超級畏高，雖然最終都成功克服，不過就搞到成身瘀晒，真係有血有汗！
而準備出歌嘅仲有Strayz呀！佢哋宣布同名新歌《Strayz》將於本月13日面世，談及佢哋今日五缺一現身，原來Ariel飛咗去澳洲進修跳舞，好快就會返嚟香港歸隊準備月底嘅麥花臣演出㗎啦！
