【Viu】女團Strayz今日為以愛心大使身份出席慢性骨髓性白血病活動，其中在學成員Ariel專登請假歸隊現身，被暐翹篤爆放學後直落錄音攰得濟瞓着扯鼻鼾，Ariel即刻紅到面晒否認，認真爆笑！
聽到Strayz透露早前錄音，意味住好快又有新歌？佢哋興奮宣布喺9月30日會出第二首派台歌，MV同步推出，仲唔係有兩個喜訊？其實唔止添呀！CK同「熊爸爸」Alfred許廷鏗、Marf籌備咗半年嘅《亻言》喺今日上架，新歌CK負責作曲、亦有錄音部分，覺得今次crossover好開心，佢笑話當初收到Alfred嘅邀請都冇好大嘅感覺，如今見到製成品就好有終於「出世」嘅感覺，寧舍自豪咁話！
