【Viu】吳君如今日出席商場開年活動，同場李丞責師傅贈君如今年有貴人之餘，對外發展非常之好，仲最好愈走愈遠添！獲邀擔任奧斯卡評審嘅君如，即刻笑話決定闖荷里活，又自爆投咗老友Michelle楊紫瓊影后一票添！佢話都好戥對方攞金球獎開心，有感亞洲演員喺西片裏面抬頭，又搞笑點名想同湯告魯斯、梅麗史翠普合作！
講到早前初三大排筵席同媽咪冬嬸慶祝生日，當晚巨星雲集，君如抵死笑話係基本嘢，趁放寬限聚令就聚一聚，加上老人家又投訴冇旅行去，嚟緊都plan緊去澳門或者泰國。提起冬叔，君如指爸爸年紀大，依家仲係疫情擔心太多人，但全家有喺年三十晚食團年飯。
吳君如任奧斯卡評審自爆投楊紫瓊 望去荷里活發展 想同湯告魯斯合作
吳君如任奧斯卡評審自爆投楊紫瓊 望去荷里活發展 想同湯告魯斯合作
