【Viu】ERROR正副隊長肥仔同Dee哥何啟華噚晚喺馬來西亞拍攝《全民造星V》返港，獲大批「小草」同「羊群」接機，仲送上蛋糕幫肥仔預祝生日，仲起哄兩人除衫，玩到癲呀！
肥仔同Dee哥大讚馬拉參賽者質素高，有翻版193、Anson Lo同Anson Kong等，加上馬拉式廣東話超好笑，保證大家有驚喜。除咗開公數狂食外，肥仔仲受車廂食榴槤啟發，想喺新節目加插桑拿房食榴槤item，齋講都有味呀喂！
講到生日願望，肥仔希望Dee哥出solo，因為講咗出嚟就唔靈，仲預告會去生日應援巴士打卡添！至於193話會同兩位去旅行，Dee哥就話3爺三心兩意，想飛起佢呀，好ERROR呀！
