【Viu】賀歲片《毒舌大狀》今日搞巴士巡遊同廣大市民提早行個新春大運，演員阿Dee何啟華、謝君豪、Renci楊偲泳、王丹妮、栢天男等齊齊現身。阿Dee承諾票房過8000萬就除褲，「核心內圍」仲會有特別驚喜添！又講到破天荒同子華神合唱，佢話係一種成就，更視呢首歌係出Solo前嘅warm up！
另外，阿Dee透露《全民造星V》有其中一位參賽者同佢撞樣，但唔構成競爭，等同佢接受隔離台遞咪牌做訪問，果然好波！睇見阿Dee可以同子華神合唱，Renci舉手自薦做子華神另一個身份；然後講到男友張振朗眉骨爆缸要縫針，佢話拍戲有小意外好正常，亦難避免。
