【Viu】Fish廖子妤同Louise王丹妮喺電影《梅艷芳》入面姊妹情深，今次佢哋再一齊參演賀歲片《毒舌大狀》，但就為咗男人勢成水火，仲搞到要對簿公堂！Louise好開心每次拍戲都學到新嘢，今次同Fish都各自都成就解鎖噃，為咗同戲入面嘅囡囡用手語溝通，Louise特登上咗10堂手語班；飾演名媛嘅Fish喺套戲就體驗到富貴生活，解鎖咗對上流社會嘅認知。Fish繼電影《飯戲攻心》之後再次同「阿仔」合作，原來子華神私底下都不斷爆金句，令佢想自己自動俾錢聽。兩位又大讚Dee哥Charm到爆，個西裝Look有型有款不特止，而且係個細心又有風度嘅男人！
