【Viu】電影《毒舌大狀》今日喺旺角宣傳，黃子華、何啟華（Dee）、王丹妮同導演吳煒倫等到場，為「林涼水大律師事務所」開張贈慶。導演話戲入面梗係子華神最毒舌，不過戲外就個個都有份，子華神話：「我記得好似係畀導演鬧過，『你哋可唔可以靜一靜呀？』」
今日遲到咗20分鐘嘅阿Dee，自嘲諸事不順，講到套戲，佢就承認自己係毒舌：「我大佬係子華喎，我直頭proud of 自己毒舌啦。不過平日喺片場好少撩佢傾偈，聽佢講嘢多，平日畀錢都聽唔到佢講嘢㗎嘛。」佢仲話有睇返經典劇《男親女愛》參考子華個師爺角色「余樂天」。
子華話feel到阿Dee想做「余樂天」：「不過余樂天咁獨特，但係可以畀阿Dee利用嘅，又如何？」問到會唔會有機會同Miss Mo鄭裕玲合作，子華就話想同佢打對台。王丹妮喺戲入面坐冤獄，仲特登整「鞋」把頭髮同指甲，希望畀觀眾全新嘅感覺。
