【Viu】Joyce鄭欣宜今日以星級fans身份現身主題樂園，分享細個同屋企人入園趣事，笑話當時見到啲人物反應唔切緊張到喊！笑問有冇試過入園拍拖？Joyce笑話冇，希望有機會，因為心愛嘅人帶佢去邊度都開心！不過以Joyce話，佢最想可以喺城堡前開concert，以Queen嘅姿態唱爆舞台！
最近Joyce同老友Alfred喺各自做訪問嗰陣，都隔空愛的對話，前題係Alfred恨拍拖，澄清同Joyce只係極大煙幕，但Joyce反擊二人之間係真愛，再者Alfred就封Joyce為正印。而呢日Joyce就嘟嘴回應：「依家又叫番啦？（Alfred之前話勤力練跳唱喺Anson Lo手上搶番你。）咁佢要加油啦！哈哈！（唔睇好佢？）只要你個心有夢想，有日都可以捉摸到，祝Alfred夢想成真！」咁Alfred你真係加油啦！
