【Viu】 Anson Lo盧瀚霆同Joyce鄭欣宜嘅《神の拉闊》今晚喺亞博舉行，完騷後，Joyce轉達教主胃痛唔舒服，所以唔做訪問，搞到佢鬼咁心痛呀！ 不過，Joyce笑言「老公」可能畀自己電親，又大讚「老公」表現專業，為咗驚水腫，全日淨係食咗一啖炒飯咋，陰功豬咯，唔知會唔會因為餓過龍先胃痛呢？ 講到今晚跳得起勁，Joyce就話無意做跳唱歌手喇，事關冇可能夠教主犀利咁話！係愛呀！
事後花姐透過錄音回應指，AL完騷後胃抽筋，痛得很辛苦，要由First Aid扶入房休息，目前已由花姐送回家中休息，神徒可以放心～
