【Viu】出道未夠一年嘅Cloud雲浩影，唔單止喺短時間內推出4首派台歌，最近仲推出首張個人專輯《THE CLOUD》，不過當佢得知出碟呢個好消息其實都有啲意外，仲自爆驚隻碟首首歌大家都聽過，擔心大家唔收貨，傻豬嚟嘅！偶像出碟，fans梗係開心到爆啦！一向錫fans嘅Cloud仲表示有唔少歌迷會私下同佢分享少女心事，而佢就會好認真錄voice message，同對方傾心事！咁sweet得唔得㗎？
提到自己最想學習嘅對象，Cloud諗都唔使諗就即刻答一定係鄭伊健，雖然Cloud猛數伊健嘅優點，唯獨就冇提過覺得伊健靚唔靚仔，唔通唔係佢杯茶？Cloud就即刻大讚前輩靚仔，但自己唔係咁膚淺，唔會單睇外表啊！
