【Viu】由雅虎香港舉辦的《Yahoo搜尋人氣大獎2022》頒獎典禮，今晚在九展進行，ViuTV節目《膠戰》組成的6膠，包括呂爵安、黃正宜、Hilary劉沛蘅、岑珈其、魏浚笙及肥腸徐浩昌都有得獎，他們憑《膠戰S2》主題曲《膠on！》獲得人氣電視節目主題曲！6膠今晚都有到場領獎，珈其預告6膠明年會出新歌。
除咗Edan外，其餘五膠到後台受訪，抵死自爆同Edan鬧不和所以先唔同場，有邊個會信佢哋講嘢先？之後阿正率先幫「愛人」Jeffrey宣傳出歌做新人，不過又頹爆話對方拍MV都唔搵大家，搞到Jeffrey勁老尷，場面爆笑！見阿正最近歌癮大爆發，原來佢私心都話想出歌，原因係名正言順同Jeffrey做「一對新人」，腦筋急轉彎到小編嗌佩服！而最後佢哋都有講到拍《膠戰S3》趣事，珈其爆「家姐」Hillary露出真面目，令佢怕怕！快啲睇足本訪問一齊笑啦！
