【Viu】Cloud雲浩影出道未夠1年，噚晚舉行新碟《THE CLOUD》發布會，真係又意外又驚喜。老友Manson張進翹同Zeno顧定軒都特登嚟撐場，而師兄Jay Fung 馮允謙仲sweet，代Joyce欣宜帶咗巧大盆花嚟送俾Cloud，都幾重秤呀！Cloud仲即席唱咗5首新歌，多謝現場嘅朋友同Fans「迷魂黨」，更一度滾動到眼濕濕，佢話：「今日去旺角第一次買自己隻碟，覺得好厲害，今時今日出碟未必賺到錢，但公司依然肯投資，多謝公司。緊張咗幾個禮拜，今日有啲要結婚嘅感覺。」咁男主角係？
Cloud話好想同Jay Fung出合唱歌，不過卻不獲回應：「我有講咗好耐，但佢冇覆我！不過我知佢最近真係好忙，除咗自己嘢，仲有同其他歌手寫歌。」
