【Viu】 《百萬同居計劃》下星期進入結局周，之前劇情講到啲成員多咗，大宅亦越嚟越熱鬧。霍姐同易先生噚晚仲搞搞新意思，「今日Share呢啲」環節以另類形式進行，霍哥霍俊邦、Rachel簡慕華、練美娟、Asha徐㴓喬、Jeffrey魏浚笙、Crystal張紋嘉同埋黃可盈一齊開FB Live同大家分享拍攝趣事，講到邊個NG得最多，大家都話Jeffrey係冠軍，Jeffrey解釋其實係阿Jer搞到佢忍唔到笑。而大宅裡面仲有一位萬人迷狗狗烏冬，無論霍哥、Rachel同黃德斌都爭住同佢抱抱，不過主人娟姐就爆霍哥係最變態嘅一位。弗到爆嘅德斌今次都騷quali，唔單止要公主抱娟姐，仲要俾佢飛撲坐上身，面對娟姐嘅連環攻勢，大家都擔心德斌條大陣呀！
